လွတ်လပ်တဲ့အာရှအသံ (အာရ်အက်အေ) ၏ ၂၀၁၁ ဧပြီလ ၁၉ ရက် ထုတ်လွှင့်ချက်
အမေရိကန်ရောက် မြန်မာနိုင်ငံသားတွေက ပေးအပ် ချီးမြှင့်နေတဲ့ ဒုတိယမြောက် ပြည်သူ့ဂုဏ်ရည်ဆုအတွက် နာမည်စာရင်း အဆိုပြုခံရသူ ရဟန်းရှင်လူ ပုဂ္ဂိုလ်နဲ့ အဖွဲ့အစည်း စုစုပေါင်း၂၀ ထဲက ဆန်ခါတင် ၅ ဦး သတ်မှတ် ရွေးချယ်ရေး အစီအစဉ်ကို အမေရိကန်ပြည်ထောင်စု တဝန်းက မြန်မာမိသားစုတွေအကြား စတင်ဆောင်ရွက်နေပြီလို့ ဆုပေးပွဲကျင်းပရေး ကော်မတီဝင် စာရေးဆရာ ဦးထိန်လင်းက RFA ကို ဧပြီ ၁၈ ရက် မနေ့က ပြောပါတယ်။“စာရင်းပိတ်သွားတဲ့ အချိန်မှာ စုစုပေါင်း ၃၄ ဦးပေါ့နော်၊ ၃၄ ဦးဆိုတာ အဖွဲ့အစည်းလည်း အဲဒီထဲမှာပဲ ပေါင်းထည့်ထားတာပေါ့နော်။ အဲဒီကနေပြီးတော့ ၂၀ ကို ကျနော်တို့ ရွေးထုတ်ပြီးတော့ ဒီမှာ ရှိတဲ့ ပြည်သူ့ဂုဏ်ရည် ဒေသဆိုင်ရာ အဖွဲ့အစည်းတွေကနေပြီးတော့ ဆန်ခါတင် ၅ ဦး ပြန်ရွေးရမှာ ဖြစ်ပါတယ်”
“အခုတော့ ကျနော်တို့ ၅ ဦး ရွေးတဲ့ အစီအစဉ်ကတော့ အခုကနေ စနေပြီပေါ့နော်။ စပြီဆိုတဲ့အခါကျ ကျနော်တို့ ဒီမှာ အမေရိကားမှာ ရှိတဲ့ ပြည်သူ့ဂုဏ်ရည် မိသားစုတွေ ရှိတဲ့ မြို့တွေမှာပေါ့၊ ဝိုင်းလုပ်ကြတဲ့ စေတနာရှင်တွေရော နောက်ပြီးတော့ မြို့ခံ၊ ဒေသခံတွေ ဆီကပါ တတ်နိုင်သလောက် ဆန္ဒတွေ ကောက်ပြီးတော့ ၅ ဦးပေါ့။ အခုဆိုရင် စပြီး ရွေးပြီပေါ့နော်”
“ရွေးပြီဆိုတော့ ကျနော်တို့ လကုန်လောက်မှာ အဲဒီ အားလုံးကို ကျနော်တို့ စာရင်းပြန်ပေါင်းတဲ့အခါမှာ အများဆုံးက ရွေးချယ်ထားတဲ့ ဆန်ခါတင် ၅ ဦးကို အွန်လိုင်းမှာတင်ပဲ မဲပေးတဲ့ စနစ်နဲ့ ကျနော်တို့ ရွေးချယ်မှာ ဖြစ်ပါတယ်”
ပြည်သူ့ဂုဏ်ရည်ဆုဟာ မြန်မာနိုင်ငံတွင်းမှာ လူမှုရေးလုပ်ငန်းတွေ အားကြိုးမာန်တက် ဆောင်ရွက်နေသူတွေကို နိုင်ငံတကာမှာ ရှိတဲ့ မြန်မာမိသားစုတွေက အင်တာနက် အွန်လိုင်းကနေ မဲစနစ်နဲ့ ရွေးချယ်ချီးမြှင့်တာ ဖြစ်ပါတယ်။
လောလောဆယ် နာမည်စာရင်း အဆိုပြုခံထားရတဲ့ လူပုဂ္ဂိုလ်နဲ့ အဖွဲ့အစည်း ၂၀ ထဲမှာ သီတဂူဆရာတော် အရှင် ဉာဏိဿရ၊ တောင်ဒဂုံ အိတ်အိုင်ဗီစင်တာ တာဝန်ခံ မဖြူဖြူသင်း၊ လူ့အခွင့်အရေး ကာကွယ်မြှင့်တင်သူများ ကွန်ရက်အဖွဲ့က ဦးမြင့်အေး၊ ကိုဇာဂနာ၊ ရခိုင်သဟာရအသင်းကြီးနဲ့ မူဆလင် ကုသိုလ်ဖြစ် ဆေးရုံတို့လည်း ပါဝင်ပါတယ်။
ဒီဆုကို မနှစ်က စတင်ပေးအပ်ခဲ့တာ ဖြစ်ပြီး ပထမဆုံးအကြိမ် ပြည်သူဂုဏ်ရည်ဆုရှင်အဖြစ် နာရေးကူညီမှု အသင်းခေါင်းဆောင် ဦးကျော်သူကို ရွေးချယ်ပြီး ဆုငွေ အမေရိကန်ဒေါ်လာ ၇ ထောင် ချီးမြှင့်ခဲ့ပါတယ်။ အခုနှစ်အတွက် ရွေးချယ်ခံရတဲ့ ပြည်သူ့ဂုဏ်ရည်ဆုရှင်ကို ဒေါ်လာ ၁ သောင်းအထိ တိုးမြှင့်ဂုဏ်ပြုဖို့ စီစဉ်ထားပြီး ဆုပေးပွဲကို ကာလီဖိုးနီးယားပြည်နယ် ဆန်ဖရန်စစ္စကိုမြို့မှာ လာမယ့် မေလ ၁၅ ရက်နေ့ ကျင်းပမယ်လို့ သိရပါတယ်။
ပြည်သူ့ဂုဏ်ရည် ဆုပေးပွဲ ကျင်းပရေး ကော်မတီဝင် စာရေးဆရာ ဦးထိန်လင်းကို RFA အဖွဲ့သား ကိုကျော်ကျော်အောင်က ဆက်သွယ် မေးမြန်းထားပါတယ်။
အခုနှစ်ချီးမြှင့်မယ့် ပြည်သူ့ဂုဏ်ရည်ဆုအတွက် အဆိုပြုလွှာတွေ လက်ခံတဲ့အဆင့် ပြီးသွားပြီလားခင်ဗျ။
ဟုတ်ကဲ့ခင်ဗျ၊ ဧပြီလ ၁၅ ရက်က နောက်ဆုံးရက်ဖြစ်ပါတယ်။ အခု အဆိုပြုလွှာစာရင်း ပိတ်သွားပါပြီခင်ဗျာ။စာရင်းပိတ်တဲ့ နောက်ဆုံးအခြေအနေရော ဘယ်လိုရှိပါသလဲခင်ဗျ။ ဘယ်နှစ်ဦးလောက်များ အဆိုပြုခဲ့ကြသလဲဆိုတာလေး။
ဟုတ်ကဲ့ခင်ဗျ။ အခု စာရင်းပိတ်သွားတဲ့အချိန်မှာ စုစုပေါင်း အဖွဲ့အစည်းရော လူပုဂ္ဂိုလ်ရော ၃၄ ဦး။ အဲဒီကနေ ၂၀ ကို ရွေးထုတ်ပြီးတော့ ဒီမှာရှိတဲ့ ပြည်သူ့ဂုဏ်ရည် ဒေသဆိုင်ရာ အဖွဲ့အစည်းတွေက ဆန်ခါတင် ၅ ဦး ပြန်ရွေးရမှာဖြစ်ပါတယ်။ဒီ ၂၀ ထဲမှာပေါ့လေ လေးငါးခုလောက်ကို နာမည်လေး ရွတ်ပြပါလား။
သြော် .. ဟုတ်ကဲ့ခင်ဗျ။ ကျနော်တို့ ဒီ ၂၀ မှာ ဆရာတော် သံဃာတော်တွေလည်း ပါပါတယ်။ ဥပမာအားဖြင့် သီတဂူဆရာတော် အရှင်ဉာဏိဿရ ပါပါတယ်။ နောက် ရခိုင်သဟာရအသင်း၊ မနှစ်ကတုန်းကတော့ အဆိုပြုလွှာမှာ မပါဘူးပေါ့နော်။ ပြီးတော့ အန်အယ်လ်ဒီ လူမှုအထောက်အကူပြုအဖွဲ့လည်း ပါပါတယ်ခင်ဗျ။ နောက် သုခရိပ်မြုံ အိတ်ခ်ျအိုင်ဗီ ကူးစက်ခံမိဘမဲ့ကလေးများဂေဟာ၊ တေဇာရာမ ဘုန်းတော်ကြီးသင်ကျောင်းက အရှင်အာစိဏ။၂၀ ထဲကနေပြီးတော့ နောက်ဆုံးဆန်ခါတင် အဖွဲ့အစည်း ၅ ဖွဲ့ ဒါမှမဟုတ် လူပုဂ္ဂိုလ် ၅ ဦးကို ရွေးမယ်ဆိုတော့ ဘယ်တော့လောက်ကို ၅ ဦး ဆန်ခါတင်ရွေးတဲ့အစီအစဉ် စ မလဲခင်ဗျာ။
၅ ဦးရွေးတဲ့အစီအစဉ်ကတော့ အခုကနေ စနေပြီပေါ့နော်။ စပြီဆိုတဲ့အခါကျတော့ ကျနော်တို့ အမေရိကမှာရှိတဲ့ ပြည်သူ့ဂုဏ်ရည်မိသားစုတွေရှိတဲ့မြို့တွေမှာ ၀ိုင်းလုပ်ကြတဲ့ စေတနာရှင်တွေရော၊ နောက်ပြီးတော့ ဒေသခံတွေဆီကပါ တတ်နိုင်သလောက် ဆန္ဒတွေကောက်ပြီးတော့ ၅ ဦး အခုဆိုရင် စပြီးရွေးနေပြီ။ လကုန်လောက်မှာ အားလုံးကို စာရင်းပြန်ပေါင်းတဲ့အခါ အများဆုံးက ရွေးချယ်ထားတဲ့ ဆန်ခါတင် ၅ ဦးကို အွန်လိုင်းမှာ မဲပေးတဲ့စနစ်နဲ့ ရွေးချယ်မှာဖြစ်ပါတယ်။နောက်ဆုံး အပြီးသတ်ရွေးချယ်မှုကိုရော ဘယ်တော့လောက်ဖြစ်မယ်လို့ တွက်ထားလဲခင်ဗျ။
ဟုတ်ကဲ့။ အပြီးသတ်ရွေးချယ်မှုက စုစုပေါင်း အွန်လိုင်းမှာ ၁၀ ရက် မဲပေးဖို့ရှိပါတယ်။ ပွဲကျင်းပမှာက မေလ ၁၅ ရက် ဆိုတော့ ပွဲမတိုင်ခင် ၂ ရက် ၃ ရက်မှာ အပြီး အွန်လိုင်းမဲပေးတဲ့စနစ်နဲ့ တကမ္ဘာလုံးက လူတွေ မဲပေးလို့ရအောင် ၁၀ ရက် ဆန်ခါတင်စာရင်းဝင် ၅ ဦးကို တင်ထားမှာဖြစ်ပါတယ်။ အဲဒီမှာ ၁၀ ရက်လုံးလုံး ကြိုက်တဲ့နေရာကနေ မဲပေးလို့ရအောင် စနစ် လုပ်ထားပါတယ်။ ပြီးတဲ့အခါကျတော့ အဲဒီအထဲက အများဆုံး ဆန္ဒပေးတဲ့သူကို ဆုပေးပွဲနေ့ကျမှ ကြေညာပြီး တခါတည်း ဆုပေးမှာဖြစ်ပါတယ်။ဒီနှစ်မှာပေါ့နော်၊ ပြည်သူ့ဂုဏ်ရည်ဆုပေးဖို့ စီစဉ်လှုပ်ရှားနေတာနဲ့ ပတ်သက်ပြီးတော့ ထူးခြားချက်အနေနဲ့ ဘာတွေများ ရှိပါသလဲခင်ဗျာ။
ကျနော်တို့ စပြီး လုပ်တာ ၂ နှစ်ရှိပြီပေါ့နော်။ မနှစ်ကထက် ထူးခြားတဲ့ကိစ္စက ဘာလဲဆိုတော့ မနှစ်ကတုန်းကဆိုရင် ဆုရရှိတဲ့ ပုဂ္ဂိုလ်ကို ဆုကြေးငွေ ဒေါ်လာ ၇၀၀၀ ပေးဖြစ်တယ်ပေါ့နော်။ ဒီနှစ်မှာတော့ ဒေါ်လာ တစ်သောင်း ပေးဖို့အတွက် ကျနော်တို့ ဆုံးဖြတ်ထားကြပါတယ်။ရန်ပုံငွေရရှိမှုအခြေအနေရော ဘယ်လိုရှိပါသလဲခင်ဗျ ဒီဆုအတွက်ပေါ့လေ။
ဟုတ်ကဲ့ခင်ဗျ၊ ရန်ပုံငွေ ရရှိမှုကတော့ တချို့ဒေသတွေမှာလည်း ရန်ပုံငွေဈေးရောင်းပွဲတွေဘာတွေ လုပ်တယ်။ ပြီးတော့ အလှူခံတာတွေရှိပါတယ်။ တချို့မြို့တွေမှာလည်း ပွဲမတိုင်ခင်မှာ လုပ်ဖို့အစီအစဉ်တွေ ဆက်ရှိနေပါတယ်ခင်ဗျ။ဒီ ပြည်သူ့ဂုဏ်ရည်ဆုနဲ့ပတ်သက်ပြီးတော့ ကမ္ဘာအနှံ့အပြားက မြန်မာနိုင်ငံသားတွေ ပိုပြီးတော့ ဒီဆုအကြောင်း သိလာကြတယ်လို့ရော သတိထားမိလားခင်ဗျ။
ဟုတ်ကဲ့ခင်ဗျ၊ ပိုပြီးတော့ သိလာတယ်လို့ ကျနော်တို့ ယူဆမိပါတယ်။ တချို့ကျတော့လည်း ပိုစိတ်ဝင်စားတယ်။ နောက်ပြီးတော့ ဥပမာအားဖြင့် အဆိုပြုလွှာစာရင်း ပေးတဲ့အခါမှာဆိုလည်း အင်တာနက်ကနေတဆင့် အပြင် စာနဲ့ပေါ့နော်၊ စာတိုက်သေတ္တာကို လှမ်းပြီးပို့တာတွေလည်း ရှိပါတယ်။ အဲဒီအခါကျတော့ ဒီနှစ်မှာ အဆိုပြုတဲ့စာရင်းက မနှစ်ကတုန်းက မပါတဲ့လူတွေလည်း တော်တော်များများ ပါလာပါတယ်။ဦးထိန်လင်းကို ကျေးဇူးအများကြီးတင်ပါတယ်ခင်ဗျာ။
ဟုတ်ကဲ့ပါခင်ဗျာ၊ ကျေးဇူးတင်ပါတယ်။ ။
